Avstriya hökuməti Ukraynanın keçmiş məmurlarının ölkədən çıxardığı pulları bu ölkəyə geri qaytarmağa hazırlaşır. Bu barədə Avstriyanın xarici işlər naziri Sebastyan Kurç keçirdiyi mətbuat konfransında deyib:

"Avstriya ilk Avropa Birliyi ölkəsi oldu ki, Ukraynalı məmurların hesablarının dondurulmasına qərar verdi. İndi biz Ukraynadan qanunsuz çıxarılmış vəsaitlərin bu ölkəyə qaytarılması üzərində birlikdə işləyəcəyik".

Kurç bildirib ki, ölkəsi Krımda yaşananlardan hədsiz narahatdır. O, Rusiyanın beynəlxalq normalara zidd hərəkət etdiyini vurğulayıb. XİN başçısı bəyan edib ki, Rusiya Krımdakı fəaliyyətini dayandırmasa, AB-nin Nazirlər Şurası sanksiyalara əl atacaq.