AZADLIQ MEYDANINDA CİDDİ PROBLEM YARANDI
19/06/2013 17:30AZADLIQ MEYDANINDA CİDDİ PROBLEM YARANDI
19.6.2013
Azərbaycan Ordusunun yaranmasının 95 illiyi münasibətilə iyunun 26-da “Azadlıq” meydanında keçiriləcək hərbi paradla bağlı ciddi problem ortaya çıxıb
“Azadlıq” meydanının altında yeni avtomobil dayanacağı tikilib və bir necə ay əvvəl istifadəyə verilib. Avtodayanacaq istifadəyə verildikdən az sonra meydanın müxtəlif yerlərində çatlar əmələ gəlib.
Hərbi paradda ağır texnikanın, tankların, raketdaşıyan maşınların, yeni alınan döyüş maşınlarının keçidi nəzərdə tutulub. Amma “Azadlıq” meydanının altında tikilən avtodayanacağın hərbi texnikanın ağırlığına tab gətirmədiyi müəyyən olunub. Bununla bağlı mütəxəssislər avtodayanacağının dayaq dirəklərinə və üst hissəsinə baxış keçiriblər. Mütəxəssislər xüsusi avadanlıqlarla apardıqları yoxlamalar nəticəsində avtodayanacağın üstündən, yəni “Azadlıq” meydanında ağır texnikanın keçməsinin, xüsusən də qısa intervalla keçməsinin mümkün olmadığına dair rəy veriblər.
Hazırda “Azadlıq” meydanının alt hissəsində olan avtodayanacaqda bərkitmə, gücləndirmə işləri aparılır, əlavə dirəklər qoyulur. Bu işlər yekunlaşandan sonra paradın “Azadlıq” meydanında keçirilməsinin mümkan olub-olmayacağı bilinəcək
—————