PREZİDENT ASİM MOLLAZADƏYƏ "ŞÖHRƏT" ORDENİ VERDİ
07/06/2013 20:14PREZİDENT ASİM MOLLAZADƏYƏ "ŞÖHRƏT" ORDENİ VERDİ
7.6.2013
Prezident İlham Əliyev Demokratik İslahatlar Partiyasının sədri Asim Nazim oğlu Mollazadəni mükafatlandırıb.
“Qafqazinfo” xəbər verir ki, ölkənin ictimai-siyasi həyatında fəal iştirakına görə Asim Mollazadə “Şöhrət” ordeni ilə təltif edilib.
Qeyd edək ki, Asim Mollazadə 1994-cü ilin yanvarından – 2005-ci ilin aprelinədək – Azərbaycan Xalq Cəbhəsi Partiyası sədrinin xarici məsələlər üzrə müavini, 2001-ci ilin yanvarından 2005-ci ilin noyabrınadək – Azərbaycanın Avropa Şurası Parlament Assambleyasındakı (AŞ PA) nümayəndə heyətinin üzvü, AŞ PA-nın Yaxın Şərq altkomitəsinin sədri, monitorinq və siyasi komitələrinin üzvü, AŞ PA-nın Belorusiya üzrə məruzəçisi, 2005-ci ilin 4 iyulunda Demokratik İslahatlar Partiyasının təsis qurultayında partiyanın sədri seçilib.
Onu da əlavə edək ki, dünən partiya sədri 60 yaşını qeyd edib.
—————